।।नवग्रह स्तोत्रम् ।।

।।नवग्रह स्तोत्रम् ।।

॥ भगवान सूर्य ॥
जपाकुसुमसंकाशं
काश्यपेयं महाद्युतिम्।

तमोऽरिं सर्वपापघ्नं
प्रणतोऽस्मि दिवाकरम्॥1॥

॥ भगवान चन्द्र ॥
दधिशङ्खतुषाराभं
क्षीरोदार्णवसंभवम्।

नमामि शशिनं सोमं
शम्भोर्मुकुटभूषणम्॥2॥

॥ भगवान मङ्गल ॥
धरणीगर्भसंभूतं
विद्युत्कान्तिसमप्रभम्।

कुमारं शक्तिहस्तं
तं मङ्गलं प्रणमाम्यहम्॥3॥

॥ भगवान बुध ॥
प्रियङ्गुकलिकाश्यामं
रूपेणाप्रतिमं बुधम्।

सौम्यं सौम्यगुणोपेतं
तं बुधं प्रणमाम्यहम्॥4॥

॥ भगवान गुरु ॥
देवानां च ऋषीणां च
गुरुं काञ्चनसंनिभम्।

बुद्धिभूतं त्रिलोकेशं
तं नमामि बृहस्पतिम्॥5॥

॥ भगवान शुक्र ॥
हिमकुन्दमृणालाभं
दैत्यानां परमं गुरुम्।

सर्वशास्त्रप्रवक्तारं
भार्गवं प्रणमाम्यहम्॥6॥

॥ भगवान शनि ॥
नीलांजनसमाभासं
रविपुत्रं यमाग्रजम्।

छायामार्तण्डसंभूतं
तं नमामि शनैश्चरम्॥7॥

॥ नवग्रह राहु ॥
अर्धकायं महावीर्यं
चन्द्रादित्यविमर्दनम्।

सिंहिकागर्भसंभूतं
तं राहुं प्रणमाम्यहम्॥8॥

॥ नवग्रह केतु ॥
पलाशपुष्पसंकाशं
तारकाग्रहमस्तकम्।

रौद्रं रौद्रात्मकं घोरं
तं केतुं प्रणमाम्यहम्॥9॥

॥ इति श्रीवेदव्यासविरचितम नवग्रहस्तोत्रं सम्पूर्णम् ॥