॥ श्री बुध स्तोत्रम् ॥

न्यासः

ॐ अस्य श्री-बुध-स्तोत्र-महामन्त्रस्य वसिष्ठः ऋषिः
अनुष्टुप् छन्दः बुधः देवता बुध-प्रीत्यर्थे जपे विनियोगः ॥

ध्यानम् :

भुजैः चतुर्भिः वरद अभय असि गदं वहन्तम्
सुमुखम् प्रशान्तम् ।
पीत-प्रभम् चन्द्र-सुतम् सुर-ईड्यम् सिंहे निषण्णम् बुधम् आश्रयामि ॥

बुध स्तोत्रम्:

पीत-अम्बरः पीत-वपुः ।
पीत-ध्वज-रथ-स्थितः ।
पीयूष-रश्मि-तनयः ।
पातु माम् सर्वदा बुधः ॥ १॥

सिंह-वाहनम् सिद्ध-नुतम् ।
सौम्यम् सौम्य-गुण-अन्वितम् ।
सोम-सूनुम् सुर-आराध्यम् ।
सर्व-दम् सौम्यम् आश्रये ॥ २॥

बुधम् बुद्धि-प्रदाता-रम् ।
बाण-बाण-आसन-उज्ज्वलम् ।
भद्र-प्रदम् भीति-हरम् ।
भक्त-पालनम् आश्रये ॥ ३॥

आत्रेय-गोत्र-सञ्जातम् ।
आश्रित-आर्ति-निवारणम् ।
आदितेय-कुल-आराध्यम् ।
आशु-सिद्धि-दम् आश्रये ॥ ४॥

कला-निधि-तनू-जातम् ।
करुणा-रस-वारिधिम् ।
कल्याण-दायिनम् नित्यम् ।
कन्या-राशि-अधिपम् भजे ॥ ५॥

मन्द-स्मित-मुख-अम्भोजम् ।
मन्मथ-आयुत-सुन्दरम् ।
मिथुन-अधीशम् अनघम् ।
मृग-अङ्क-तनयम् भजे ॥ ६॥

चतु-र्भुजम् चारु-रूपम् ।
चर-अचर-जगत्-प्रभुम् ।
चर्म-खड्ग-धरम् वन्दे ।
चन्द्र-ग्रह-तनू-भवम् ॥ ७॥

पञ्च-आस्य-वाहन-गतम् ।
पञ्च-पातक-नाशनम् ।
पीत-गन्धम् पीत-माल्यम् ।
बुधम् बुध-नुतम् भजे ॥ ८॥

बुध-स्तोत्रम् इदम् गुह्यम् ।
वसिष्ठेन उदितम् पुरा ।
यः पठेत् शृणुयात् वा अपि ।
सर्व-अभीष्टम् वाप्नुयात् ॥ ९॥

।। इति श्री-बुध-स्तोत्रम् सम्पूर्णम् ।।

********************************