।।श्री महिषासुर मर्दिनी स्तोत्रम्।।

अयि-गिरि-नन्दिनि-नन्दित-मेदिनि-विश्व-विनोदिनि-नन्दि-नुते
गिरि-वर-विन्ध्य-शिरोधि-निवासिनि-विष्णु-विलासिनि-जिष्णु-नुते।
भगवति-हे-शिति-कण्ठ-कुटुम्बिनि-भूरि-कुटुम्बिनि-भूरि-कृते
जय-जय-हे-महिषासुर-मर्दिनि-रम्य-कपर्दिनि-शैल-सुते॥1॥

सुर-वर-वर्षिणि-दुर्धर-धर्षिणि-दुर्मुख-मर्षिणि-हर्ष-रते
त्रि-भुवन-पोषिणि-शङ्कर-तोषिणि-कल्मष-मोषिणि-घोर-रते।
दनुज-नि-रोषिणि-दिति-सुत-रोषिणि-दुर्मद-शोषिणि-सिन्धु-सुते
जय-जय-हे-महिषासुर-मर्दिनि-रम्य-कपर्दिनि-शैल-सुते॥2॥

अयि-जगद्-अम्ब-मदम्ब-कदम्ब-वन-प्रिय-वासिनि-हास-रते
शिखरि-शिरोमणि-तुंग-हिमालय-शृंग-निजालय-मध्य-गते।
मधु-मधुरे-मधु-कैटभ-भञ्जिनि-कैटभ-भञ्जिनि-रास-रते
जय-जय-हे-महिषासुर-मर्दिनि-रम्य-कपर्दिनि-शैल-सुते॥3॥

अयि-शत-खण्ड-विखण्डित-रुण्ड-वितुण्डित-शुण्ड-गजाधिपते
रिपु-गज-गण्ड-विदारण-चण्ड-पराक्रम-शुण्ड-मृगाधिपते।
निज-भुज-दण्ड-निपातित-खण्ड-विपातित-मुण्ड-भटाधिपते
जय-जय-हे-महिषासुर-मर्दिनि-रम्य-कपर्दिनि-शैल-सुते॥4॥

अयि-रण-दुर्मद-शत्रु-वध-उदित-दुर्धर-निर्जर-शक्ति-भृते
चतुर-विचार-धुरीण-महा-शिव-दूत-कृत-प्रमथाधिपते।
दुरित-दुरीह-दुराशय-दुर्मति-दानव-दूत-कृतान्त-मते
जय-जय-हे-महिषासुर-मर्दिनि-रम्य-कपर्दिनि-शैल-सुते॥5॥

अयि-शरणागत-वैरि-वधू-वर-वीर-वर-अभय-दायक-रे
त्रि-भुवन-मस्तक-शूल-विरोधि-शिरोधि-कृत-अमल-शूल-करे।
दुमि-दुमित-अमर-दुन्दुभि-नाद-महो-मुखरी-कृत-तिग्म-करे
जय-जय-हे-महिषासुर-मर्दिनि-रम्य-कपर्दिनि-शैल-सुते॥6॥

अयि-निज-हुं-कृति-मात्र-निराकृत-धूम्र-विलोचन-धूम्र-शते
समर-विशोषित-शोणित-बीज-समुद्भव-शोणित-बीज-लते।
शिव-शिव-शुम्भ-निशुम्भ-महा-हव-तर्पित-भूत-पिशाच-रते
जय-जय-हे-महिषासुर-मर्दिनि-रम्य-कपर्दिनि-शैल-सुते॥7॥

धनुः-अनु-संग-रण-क्षण-संग-परिस्फुरत्-अंग-नटत्-कटके
कनक-पिशंग-पृषत्-कनिषंग-रसद्-भट-शृंग-हत-अवटुके।
कृत-चतुरंग-बल-क्षितिरंग-घटत्-बहुरंग-रटत्-बटुके
जय-जय-हे-महिषासुर-मर्दिनि-रम्य-कपर्दिनि-शैल-सुते॥8॥

सुर-ललना-ततथेयि-तथेयि-कृत-अभिनय-उदर-नृत्य-रते
कृत-कुकुथः-कुकुथो-गडदादिक-ताल-कुतूहल-गान-रते।
धुधुकुट-धुक्कुट-धिंधिमित-ध्वनि-धीर-मृदंग-निनाद-रते
जय-जय-हे-महिषासुर-मर्दिनि-रम्य-कपर्दिनि-शैल-सुते॥9॥

जय-जय-जप्य-जये-जय-शब्द-पर-स्तुति-तत्पर-विश्व-नुते
भण-भण-भिंजिमि-भिंकृत-नूपुर-सिंजित-मोहित-भूत-पते।
नटित-नट-अर्ध-नटी-नटनायक-नाटित-नाट्य-सुगान-रते
जय-जय-हे-महिषासुर-मर्दिनि-रम्य-कपर्दिनि-शैल-सुते॥10॥

अयि-सुमनः-सुमनः-सुमनः-सुमनः-सुमनोहर-कान्ति-युते
श्रित-रजनी-रजनी-रजनी-रजनी-रजनीकर-वक्त्र-वृते।
सुनयन-विभ्रमर-भ्रमर-भ्रमर-भ्रमर-भ्रमर-अधिपते
जय-जय-हे-महिषासुर-मर्दिनि-रम्य-कपर्दिनि-शैल-सुते॥11॥

सहित-महा-हव-मल्ल-म-तल्लिक-मल्लित-रल्लक-मल्ल-रते
विरचित-वल्लिक-पल्लिक-मल्लिक-भिल्लिक-भिल्लिक-वर्ग-वृते।
सित-कृत-फुल्ल-समुल्लसित-अरुण-तल्लज-पल्लव-सल्ललिते
जय-जय-हे-महिषासुर-मर्दिनि-रम्य-कपर्दिनि-शैल-सुते॥12॥

अविरल-गण्ड-गलन्-मद-मेदुर-मत्त-मतंगज-राज-पते
त्रि-भुवन-भूषण-भूत-कलानिधि-रूप-पयोनिधि-राज-सुते।
अयि-सुदती-जन-लालस-मानस-मोहन-मन्मथ-राज-सुते
जय-जय-हे-महिषासुर-मर्दिनि-रम्य-कपर्दिनि-शैल-सुते॥13॥

कमल-दल-अमल-कोमल-कान्ति-कलाकलित-अमल-भाल-लते
सकल-विलास-कलानिलय-क्रम-केलि-चलत्-कल-हंस-कुले।
अलि-कुल-संकुल-कुवलय-मण्डल-मौलि-मिलत्-बकुल-आलि-कुले
जय-जय-हे-महिषासुर-मर्दिनि-रम्य-कपर्दिनि-शैल-सुते॥14॥

कर-मुरली-रव-वीजित-कूजित-लज्जित-कोकिल-मंजु-मते
मिलित-पुलिन्द-मनोहर-गुञ्जित-रंजित-शैल-निकुञ्ज-गते।
निज-गुण-भूत-महा-शबरी-गण-सद्गुण-संभृत-केलि-तले
जय-जय-हे-महिषासुर-मर्दिनि-रम्य-कपर्दिनि-शैल-सुते॥15॥

कटि-तट-पीत-दुकूल-विचित्र-मयूख-तिरस्कृत-चन्द्र-रुचे
प्रणत-सुर-असुर-मौलि-मणि-स्फुर-दंशुल-सन्नख-चन्द्र-रुचे।
जित-कनक-अचल-मौलि-पद-उर्जित-निर्भर-कुंजर-कुंभ-कुचे
जय-जय-हे-महिषासुर-मर्दिनि-रम्य-कपर्दिनि-शैल-सुते॥16॥

विजित-सहस्र-कर-एक-सहस्र-कर-एक-सहस्र-कर-एक-नुते
कृत-सुर-तारक-संगर-तारक-संगर-तारक-सूनु-सुते।
सुरथ-समाधि-समान-समाधि-समाधि-समाधि-सुजात-रते
जय-जय-हे-महिषासुर-मर्दिनि-रम्य-कपर्दिनि-शैल-सुते॥17॥

पद-कमलम्-करुणा-निलये-वरि-वस्यति-यः-अनुदिनम्-स-शिवे
अयि-कमले-कमला-निलये-कमला-निलयः-स-कथं-न-भवेत्।
तव-पदम्-एव-परम्-पदम्-इति-अनुशीलयतः-मम-किं-न-शिवे
जय-जय-हे-महिषासुर-मर्दिनि-रम्य-कपर्दिनि-शैल-सुते॥18॥

कनक-लसत्-कल-सिन्धु-जलैः-अनु-सिंचिनुते-गुण-रंग-भुवम्
भजति-स-किं-न-शची-कुच-कुंभ-तटी-परिरंभ-सुख-अनुभवम्।
तव-चरणम्-शरणम्-करवाणि-नत-अमर-वाणि-निवासि-शिवम्
जय-जय-हे-महिषासुर-मर्दिनि-रम्य-कपर्दिनि-शैल-सुते॥19॥

तव-विमल-इन्दु-कुलम्-वदन-इन्दु-मलम्-सकलम्-ननु-कूलयते
किमु-पुरुहूत-पुर-इन्दु-मुखी-सुमुखीभिः-असौ-विमुखी-क्रियते।
मम-तु-मतम्-शिव-नाम-धने-भवति-कृपया-किम्-उत-क्रियते
जय-जय-हे-महिषासुर-मर्दिनि-रम्य-कपर्दिनि-शैल-सुते॥20॥

अयि-मयि-दीन-दयालु-तया-कृपया-एव-त्वया-भवितव्यम्-उमे
अयि-जगतः-जननि-कृपया-असि-यथा-असि-तथा-अनुभिता-असि-रते।
यत्-उचितम्-अत्र-भवति-उररि-कुरु-तत्-दुरुतापम्-अपाकुरु-मे
जय-जय-हे-महिषासुर-मर्दिनि-रम्य-कपर्दिनि-शैल-सुते॥21॥

इति श्री महिषासुरमर्दिनि स्तोत्रम् ॥